शनिबार, ३० जेठ २०८३
शनिबार, ३० जेठ २०८३
०७ पुस २०८२
काठमाडौं- भदौ २३ र २४ गतेको घटनाका विषयमा छानविन गर्न बनेको जाँचबुझ आयोगलाई तत्कालिन प्रधानमन्त्री केपी शर्मा ओलीले गोली ठोकेपनि बयान नदिने अडान लिएका छन् । ओली र तत्कालिन गृहमन्त्री रमेश लेखकलाई पक्राउ गरेर भएपनि बयान लिने तयारी भएको खबर सार्वजनिक भइरहेका बेला ओलीले बरु आफू गोली खान र जेल जान तयार रहेको तर बयान दिन तयार नरहेको बताएका छन् ।
हिमालय टिभीको यक्ष प्रश्न कार्यक्रममा अन्तरवार्ता दिदै ओलीले बयान नदिए बापत आजिवन थुने पनि थुनिन तयार रहेको बताएका छन् । बयान दिन यदि मान्नु भएन भने चाहिं ‘हामी यसरी ल्याउँछौ, त्यसरी ल्याउँछौ’ भन्ने भाषा सरकार पक्षबाट आइरहेको छ नि भन्ने प्रश्नमा ओलीको जवाफ छ– बयान दिन मानेन भने गोली ठोके हुन्छ नि ! यत्रो कसुर गर्ने, बयान दिन नमान्ने, नतिजा आइसक्यो, जाँच दिन्न भन्ने । यत्रो कसुर गर्नेलाई त हान्दिनु नि गोली ! उहाँहरूसँग छ नि त बन्दुक ! के सानातिना कुरा गरिराख्या ? भएन भने आजीवन थुन्दिने, बयान नगरे बापत ।’
उनले बयानका लागि भन्दै आयोगका सदस्यहरु आफ्नै घरमा आए आफूले चिया खुवाएर पठाउने तर बयान नदिने बताएका छन् । ‘मैले कति पल्ट भन्नु, बयान दिनुपर्ने छैन। तपाईंले रिजल्ट निकालिसक्नुभयो, फेरि जाँच म किन दिने ? त्यसको अर्थ उहाँहरूसँग बोलचाल बन्द गर्छु भनेको होइन । मेरो कुरा हुन्छ। बयान भन्ने कुरा व्यक्तिको स्वेच्छाको कुरा होइन र ?’
भदौ २३ र २४ गतेको घटनाका विषयमा छानविन गर्न बनेको जाँचबुझ आयोगले तत्कालिन आइजी चन्द्रकुँबेर खापुङ, हालका आइजीपी दानबहादुर कार्की, तत्कालिन सिडियो, गृह सचिवलगायत १५० भन्दा बढिसँग बयान लिइसकेको छ। अब राजनीतिक नेतृत्वसँग बयान लिने तयारीमा रहेका बेला तत्कालिन प्रधानमन्त्री ओलीले गोली नै ठोके पनि बयान नदिने अडान लिएका छन् ।
ओली, लेखक र गुरुङलाई पुनः पक्राउ गर्दै सरकार
भारतीय सुरक्षाकर्मीलाई लखेटे सुस्ताबासीले, हतियार सहित आएर दिन थाले धाकधम्की
दराजमा थन्किएका फाइल अब सुदनको टेबुलमा, गिरिबन्धुसहित यी १५ महाकाण्ड खोल्ने
अर्थमन्त्री वाग्लेमाथि संसदीय छानबिन समिति गठन गर्न नेकपाको माग
सर्वोच्च अदालतको आदेश : प्रदर्शनीमार्ग वरपर नाराजुलुस र प्रदर्शन नगर्नू
फिफा विश्वकप २०२६ मा सहभागी टोलीमा विदेशी प्रशिक्षकको वर्चस्व
विद्यार्थीका मोबाइल नष्ट नगर्न सर्वोच्चको आदेश, सिरहा घटनाबारे लिखित जवाफ माग
दुई रुपैयाँ मात्रै बेइमानी गरेको प्रमाण दिनुस् सार्वजनिक जीवन नै त्यागिदिन्छु :अर्थमन्त्री स्वर्णिम वाग्ले
पोखराबाट दुबईका लागि नियमित अन्तर्राष्ट्रिय उडानको टिकट बुकिङ खुला
रास्वपामा १३६ सदस्यीय केन्द्रीय समिति र १६ सदस्यीय पदाधिकारी प्रस्ताव
प्रतिक्रिया